INICIO



La Moda pasa de moda; El Estilo, nunca.

..................¡Estilo Cheers!...................









martes, 5 de julio de 2011

ARTE EN CHEERS: PINTORES DA TERRA (PINTORES DE LA TIERRA): XOSÉ VÁZQUEZ CASTRO



.
.
.

"Un pintor es un hombre que pinta lo que vende.
Un artista, en cambio, es un hombre que vende lo que pinta".  Pablo Picasso



"VECINANZA"





Xosé Vázquez Castro nace en Ferrol en 1951. Seu pai foi o pintor José Vázquez Doce. Na actualidade reside en Brión (A Coruña).

En 1969 realiza a súa primeira exposición na cidade de A Coruña, á que seguirán outras por diversas vilas de Galicia e España. En 1979 afíncase en Madrid, expoñendo na galería madrileña “Bercowitsch” e na compostelá “Torques”, ao tempo que se forma coma escenógrafo co director de teatro Santiago Doria e o dramaturgo Jaime Salón.

En 1981 expón na Institución Cultural “El Brocense” de Cáceres. Ao ano seguinte viaxa a Venezuela, e realiza exposicións na Embaixada Española e a Irmandade Galega de Caracas. De regreso a España expón na galería “Arboreda” de Ferrol e “Nova Rúa” de Lugo.

En 1983 a galería “Citania” de Santiago de Compostela publícalle a carpeta Catro Acuarelas.

En 1984, xa residindo en Compostela, participa no Festival Interceltique de Lorient (Francia), e realiza a escenografía Eclipse Total, para Teatro “Ítaca”.

En 1985, expón no Museo “Valle-Inclán” da Pobra do Caramiñal e no Hotel “Finisterre” de A Coruña, e ve a luz a carpeta de gravados Lembranzas.

En 1988 expón acuarelas na Sala Durán Loriga da Coruña.

En 1989 expón conxuntamente con óleos e acuarelas no Museo “Bello Piñeiro” e no Casino de Ferrol.

No ano 2000 participa na colectiva Tres Xeracións, na homenaxe que o concello de Ferrol rende ao seu pai. No mesmo ano expón na Galería “José Lorenzo” de Santiago de Compostela.

En 2001 realiza para “Ditea Teatro de Cámara” a escenografía A Pousada de Petra Cotón de Agustín Magán.

No ano 2002 é un dos fundadores da Asociación de Artistas Plásticos Galegos (ARGA), da que é nomeado presidente.

Nestes últimos anos participa en diversas Feiras das Artes Plásticas, no XII Simposio Nacional de Acuarela (Santiago, 2004), na exposición O mar, na “Volvo Ocean Race” (Sanxenxo, 2005), e nas edicións dos “Encontros coa Pintura e a Poesía” organizados pola Deputación da Coruña (2005-2007) e o Concello de Culleredo (2008). Tamén exerce como comisario dos Encontros coa Arte do Concello de Brión (2006-2010). É convidado, con outros artistas galegos, polo Centro “Cultur Modell” de Passau (Alemania).

Posúen obra súa diversas institucións e entidades, entre outras: a Xunta de Galicia, a Fundación Semana Verde de Galicia, Caixanova, “El Correo Gallego”, o Museo “Carlos Maside”, o Círculo das Artes de Lugo, os concellos da Coruña, Brión, Noia, Culleredo e Pobra do Caramiñal, a Embaixada Española e Ran Xerox de Caracas, o Museo “Valle-Inclán”, SODIGA e o Museo das Peregrinacións de Santiago de Compostela, os casinos de Vilagarcía e Ferrol, Caixa de Aforros de Ferrol, o Auditorio de Galicia, I.C. “El Brocense” de Cáceres, a Deputación da Coruña ou a Sociedade Liceo de Noia.

------------------------------------------------------------

Selección das últimas actividades e exposicións:

2003: Sala da Asociación de Artistas Plásticos Galegos ARGA (Santiago de Compostela).

2004: Galería “Alameda” (Vigo); XII Simposio Nacional de Acuarela (Santiago).

2005: Homenaxe a Antonio Machín, Galería “Auriol-Arte” (Santiago); Homenaje a El Quijote (Madrid e Culleredo); O Mar, Club Náutico (Sanxenxo); O espírito de Mariñán, Aula de Natureza "Juan Lembeye" (Culleredo); colectiva de Nadal, Club Financeiro Atlántico (A Coruña).

2006: I Encontro coa Pintura e a Poesía da Deputación da Coruña, Igrexa da Universidade (Santiago); II Encontro coa Pintura e a Poesía da Deputación da Coruña, Fundación “Luís Seoane” (A Coruña); I Encontro coa Arte Lembrando a Rosalía do Concello de Brión.

2007: I Encontro coa Arte do Concello de Brión, Hotel Balneario Compostela; Mariñán 5x5 (Facultade de Belas Artes de Pontevedra, Casa da Cultura de Porto do Son, Sociedade Liceo de Noia, Sala “Rey Lago” de Culleredo e Real Toxos e Froles de Ferrol; II Encontro coa Arte Lembrando a Cunqueiro Hotel Balneario Compostela do Concello de Brión; Galiza. 5 visións, Galería “Art&Fer Pur Créations” de París.

2008: III Encontro coa Arte Lembrando a Blanco Amor do Concello de Brión; Sociedade “Liceo” de Noia.

2009: Sala de Exposicións “Xosé Rey Lago” (Culleredo). IV Encontro coa Arte Lembrando a Celso Emilio Ferreiro do Concello de Brión.

2010: V Encontro coa Arte Lembrando a Uxío Novoneira do Concello de Brión; IX Feira das Artes Plásticas na cidade da Coruña e colectiva ART encontro 2010 na Fundación Caixa Galicia en Santiago de Compostela.